ఇగో, మనిసి సూపందాన్ని మార్సేది గా బట్టలు, గీ జుట్టే గదా! గందుకే తీరొక్క తీర్గ స్టైల్లు రాబట్టె. గయన్నీ సేయడానికి కొత్తకొత్త మిషిన్లు రాబట్టె. ఇగ గీ కట్టింగు మిషిన్లని సూడుండ్లి. సూడ్డాన్కి ఎల్మెట్ లెక్కున్నయి. నెత్తి మీద పెట్టంగనే సూత్తాంటే సెకండ్లనే కట్టింగు సేత్తానయి. గట్ల పెట్టి గిట్ల తీస్తే సాలు. తీరొక్క తీరుగ కట్టింగులు చేస్తయి. యిగ కట్టింగుల కోసం పడిగాపులు గాసుడు, లైన్లుండుడు. అపాయింటు మెంట్లు దీసుకునుడు, మంగలాయిన కోసం ఎదురుసూసుడు. మన తల్కాయను గాయన సేతుల బెట్టుడసొంటియేయి ఉండయి. గా ఎల్మెట్ ను యగ మన నెత్తిల బెట్టుకుంటిమా, అయిపాయె. సటుక్కున కట్టింగయిపోతది. ఇగ ఇప్పటికే రకరాల మిషీన్లు వచ్చనయి. ఎవలింటికాడ గ వాళ్ళే చేసుకోబట్టె. గిట్లాంటి మిషిన్లు ఒచ్చినంక ఇగ ఇంకేముంది? ఒక మిషీన్ను తెచ్చి పెట్టుకుంటే. సిటికెలల్ల కట్టింగు అయిపోతది. గిదంత బాగనే ఉంది గనీ, గా మంగలోల్ల పనేంగాను? అంతా గా మిషిన్లే జేస్తే, మనుసులకు మనుసులతోని పనేముంటదుల్ల? ఇసిత్రం గాకపోతే!
ఇగో గీ మిషిన్లు సిటికెల కట్టింగులు సేత్తయి!?|ADUGU TRENDS
