అబద్ధాలు చెప్పకపోవడం వల్లే ఓటమి: వైఎస్ జగన్

ఆంధ్రప్రదేశ్‌ మాజీ ముఖ్యమంత్రి వైఎస్‌ జగన్‌ గత ఎన్నికల్లో తమ ఓటమికి కారణాన్ని వివరించారు. తాము ప్రజలకు అబద్ధాలు చెప్పకుండా నిజాయితీగా పాలన కొనసాగించామని, అదే ఓటమికి కారణమైందని అన్నారు. ప్రజల కోసం అనేక సంక్షేమ కార్యక్రమాలు అమలు చేసినా, ఈ పరిస్థితి ఎదురైందని ఆవేదన వ్యక్తం చేశారు. టీడీపీ నేతలు గ్రామాల్లోకి వెళ్లే స్థితిలో లేరని వ్యాఖ్యానించారు. త్వరలోనే వైఎస్‌ జగన్‌ 2.0 పాలన మొదలవుతుందని, తమ ప్రభుత్వం 25-30 ఏళ్ల పాటు కొనసాగుతుందని ధీమా వ్యక్తం చేశారు. ఇకపై తప్పు చేసిన వారిని వదిలిపెట్టమని హెచ్చరించారు.