లోక్ సభ ఫిబ్రవరి 13 వరకు వాయిదా

న్యూఢిల్లీ: పార్లమెంట్ బడ్జెట్ సమావేశాల్లో భాగంగా లోక్‌సభను ఫిబ్రవరి 13, 2025 వరకు వాయిదా వేశారు. ఈరోజు (ఫిబ్రవరి 11) సభలో పలు కీలక చర్చలు జరిగిన అనంతరం సభాధ్యక్షుడు ఓంబిర్లా సభను వాయిదా వేస్తున్నట్లు ప్రకటించారు. బడ్జెట్ సమావేశాల తొలిదశలో పలు చట్టపరమైన అంశాలు, బడ్జెట్ పై చర్చలు కొనసాగాయి. ఇక ఫిబ్రవరి 13న తిరిగి సమావేశమయ్యే లోక్‌సభలో ప్రభుత్వ విధానాలు, ఆర్థిక విషయాలు, ఇతర ముఖ్యమైన బిల్లులపై చర్చించనున్నారు. ఈ సారి బడ్జెట్ సమావేశాలు రాజ్యసభలోనూ ఉత్కంఠగా సాగుతున్నాయి. ఫిబ్రవరి 13 నుంచి ప్రారంభమయ్యే రెండో దశలో ప్రతిపక్ష పార్టీలు పలు కీలకమైన అంశాలను ప్రస్తావించే అవకాశముంది.