బిఆర్ఎస్ శాసన మండలి, శాసన సభ విప్‌ల నియామకం

బిఆర్ఎస్ పార్టీ శాసన మండలి విప్‌గా మాజీ మంత్రి, ఎమ్మెల్సీ సత్యవతి రాథోడ్‌ను, శాసన సభ విప్‌గా ఎమ్మెల్యే కెపీ వివేకానంద గౌడ్‌ను నియమించింది. ఈ మేరకు పార్టీ అధిష్టానం నిర్ణయం తీసుకుంది. సత్యవతి రాథోడ్ గతంలో మంత్రిగా పనిచేసిన అనుభవం కలిగి ఉండగా, వివేకానంద గౌడ్ బలమైన రాజకీయ నేతగా గుర్తింపు పొందారు. పార్టీ బలోపేతానికి వీరి నియామకాలు తోడ్పడతాయని నాయకత్వం భావిస్తోంది. శాసనసభ, మండలిలో బిఆర్ఎస్ పార్టీ పక్షాన్ని సమర్థవంతంగా ముందుకు తీసుకెళ్లేందుకు ఈ నియామకాలు ఉపయోగకరంగా ఉంటాయని భావిస్తున్నారు.