రూ.60 వేల కోట్ల పెట్టుబడులు
దావోస్ వేదికపై తెలంగాణకు పెట్టుబడుల వెల్లువ
దావోస్లో నిర్వహిస్తున్న ప్రపంచ ఆర్థిక సదస్సులో తెలంగాణ మరో కీలక రికార్డును సృష్టించింది. ముఖ్యమంత్రి రేవంత్ రెడ్డి నేతృత్వంలోని తెలంగాణ రైజింగ్ బృందం, అమెజాన్ వెబ్ సర్వీసెస్తో అతి పెద్ద పెట్టుబడిని ఆమోదించింది. హైదరాబాద్లో డేటా సెంటర్ల నిర్మాణం కోసం అమెజాన్ రూ.60,000 కోట్లు పెట్టుబడి పెట్టేందుకు అంగీకరించింది.
అమెజాన్ తన డేటా సెంటర్లను హైదరాబాద్లో విస్తరించే ప్రణాళికలతో 2030 నాటికి 4.4 బిలియన్ డాలర్ల పెట్టుబడిని తెలంగాణలో పెట్టేందుకు ముందుకు వచ్చింది. ఇప్పటికే, అమెజాన్ మూడు డేటా సెంటర్లను స్థాపించగా, అవి ప్రస్తుతం కార్యకలాపాలు నిర్వహిస్తున్నాయి. తాజాగా, మరింత విస్తరణకు అవసరమైన భూమిని రాష్ట్ర ప్రభుత్వం అమెజాన్కు కేటాయించాలని ఆ కంపెనీ అభ్యర్థించింది.
ఈ ఒప్పందం కుదిర్చుకున్న సందర్భంగా, ముఖ్యమంత్రి రేవంత్ రెడ్డి పేర్కొన్నట్లు, “ఇలాంటి భారీ పెట్టుబడులు మా రాష్ట్రంలో సరికొత్త ఎత్తుకు తీసుకువెళ్ళాయి. ఇది తెలంగాణ రైజింగ్ విజన్ ఫలితమే.” అలాగే, ఐటీ మంత్రి శ్రీధర్ బాబు ఈ ఒప్పందం ద్వారా హైదరాబాద్ డేటా సెంటర్ల కేంద్రంగా దేశంలో ప్రముఖ స్థానం సాధిస్తుందన్నారు. ఈ పెట్టుబడులు ముఖ్యంగా, అర్టిఫిషియల్ ఇంటెలిజెన్స్ ఆధారిత క్లౌడ్ సేవల అభివృద్ధికి కీలకంగా మారనుండగా, తెలంగాణకు మరింత ఆర్థిక, సాంకేతిక ప్రగతికి దారి తీస్తాయి.
