హైదరాబాద్‌లో హెచ్.సి.ఎల్ కొత్త టెక్ సెంటర్

ప్రపంచ ప్రఖ్యాత టెక్ కంపెనీ హెచ్.సి.ఎల్ హైదరాబాద్‌లో కొత్త టెక్ సెంటర్‌ను ప్రారంభించనుంది. దావోస్‌లో జరిగిన వరల్డ్ ఎకనామిక్ ఫోరమ్‌లో తెలంగాణ సీఎం ఎ.రేవంత్ రెడ్డి, ఐటీ మంత్రి డి.శ్రీధర్ బాబు, హెచ్.సి.ఎల్ సీఈవో సి.విజయకుమార్‌తో చర్చల అనంతరం ఈ ప్రాజెక్టుకు ఆమోదం లభించింది. హైటెక్ సిటీలో 3.20 లక్షల చదరపు అడుగుల విస్తీర్ణంలో స్థాపించబడే ఈ సెంటర్ లైఫ్ సైన్సెస్, ఫైనాన్షియల్ సర్వీసెస్ వంటి రంగాల్లో సేవలను అందిస్తుంది. క్లౌడ్, ఏఐ, డిజిటల్ ట్రాన్స్‌ఫర్మేషన్ సొల్యూషన్స్‌కు ప్రాధాన్యం ఇచ్చే ఈ కేంద్రం ఇండియన్ గ్రీన్ బిల్డింగ్ కౌన్సిల్ గోల్డ్ సర్టిఫికేషన్‌ను పొందింది. దాదాపు 5,000 ఐటీ నిపుణులకు ఉద్యోగావకాశాలను కల్పించనున్న ఈ సెంటర్ హెచ్.సి.ఎల్ గ్లోబల్ నెట్‌వర్క్‌లో కీలకంగా మారనుంది. రాష్ట్ర ఐటీ మంత్రి శ్రీధర్ బాబు ద్వితీయ, తృతీయ శ్రేణి నగరాలకు పరిశ్రమలను విస్తరించేందుకు ప్రభుత్వం నుంచి సహకారం అందించనున్నట్లు వెల్లడించారు.