పజ్జన్నకు గుండెపోటు

సికింద్రాబాద్ ఎమ్మెల్యే పద్మారావు గౌడ్ గుండెపోటుకు గురికావడంతో వెంటనే ఆసుపత్రికి తరలించారు. చికిత్సలో భాగంగా వైద్యులు స్టంట్ వేశారు. ప్రస్తుతానికి ఆయన ఆరోగ్యం నిలకడగా ఉన్నట్లు సమాచారం. కుటుంబ సభ్యులు, పార్టీ కార్యకర్తలు ఆసుపత్రిలో ఆయన ఆరోగ్యంపై సమాచారం వాకబు చేస్తున్నారు. ఈ వార్త తెలుసుకున్న పలువురు రాజకీయ నాయకులు, అభిమానులు ఆయన త్వరగా కోలుకోవాలని ఆకాంక్షిస్తున్నారు. వైద్యులు ప్రస్తుతం ప్రత్యేకమైన వైద్య పర్యవేక్షణలో ఆయనను ఉంచి చికిత్స అందిస్తున్నారు.