రైతు రుణమాఫీ విషయంలో సిఎం రేవంత్ రెడ్డి చేసిన ఆరోపణలపై BRS పార్టీ వర్కింగ్ ప్రెసిడెంట్ కేటీఆర్ ఘాటుగా స్పందించారు. అసెంబ్లీలో రేవంత్ రెడ్డి చెప్పిన అంశాలు పూర్తిగా అబద్ధాలేనని కేటీఆర్ తెలిపారు. ‘‘ముఖ్యమంత్రి అనేక అబద్ధాలు చెప్పారు. 49,500 కోట్ల రుణమాఫీని 26 వేల కోట్లకు ఎలా తగ్గించారో రేవంత్ చెప్పలేకపోయాడు’’ అని పేర్కొన్నారు.
కేటీఆర్, రేవంత్ రెడ్డి అసెంబ్లీలో 100% రుణమాఫీ జరిగిందని చెప్తుంటే, సత్యంగా 25% మాత్రమే ఆమోదించబడ్డాయని అన్నారు. ‘‘రాష్ట్రంలో ఏ గ్రామంలో కూడా సంపూర్ణ రుణమాఫీ జరగలేదు. ముఖ్యమంత్రి సొంత గ్రామం కొండారెడ్డిపల్లెకు పోయినా ఈ విషయాన్ని తెలుసుకోవచ్చు’’ అని కేటీఆర్ పేర్కొన్నారు.
కేటీఆర్, ‘‘రాష్ట్రంలో రైతు ఆత్మహత్యల సంఖ్య తగ్గింది. 2014లో 1,348 ఆత్మహత్యలు జరిగాయని, 2022లో అది కేవలం 178కి చేరింది’’ అని వివరించారు. అలాగే, తెలంగాణ ప్రభుత్వం పదేళ్లలో 28 వేల కోట్లు రుణమాఫీగా చెల్లించిందని తెలిపారు.
రైతుబంధు పథకం గురించి మాట్లాడుతూనే, ‘‘రైతుబంధు ద్వారా 73 వేల కోట్ల రూపాయలను రైతులకు అందించాం. ఇదే దేశానికే ఆదర్శంగా నిలిచింది’’ అని కేటీఆర్ అన్నారు.
ఆరుగ్యారంటీలు, 420 హామీలు అమలు అయ్యేవరకూ కాంగ్రెస్ పార్టీని విమర్శిస్తూనే ఉంటామని కేటీఆర్ హెచ్చరించారు.
