మనిసి జంతువు ఒక్కటేనా? అంటే మనం కాదంటే కాదంటం. ఎందుకంటే మనిసి, జంతువు వేర్వేరు. అవి తినేయి మనం తినం, వాటి లెక్క మనం ఉండం. గవి గా జంగల్ల ఉంటయి. మనం గీ జనంల, ఊర్లల్ల ఉంటం. యెహె తియ్.. గవాటికి మనకు పోలికేంది? పొంతనేంది? అంటం. సచ్చమే గనీ, గీ మనిసి గూడ గా జంతువులెక్కనే తింటాండు, ఉంటాండు. సత్యపమాణంగా… కావాలంటే ఇగ సూడుండ్లి.
గీ పొల్లగాని పేరు బుడాన్. కర్ణాటకల ఉండె బెళగావి పక్కన ఉండె ఉదరగోళ ఊరు. 34 ఏండ్లుంటయి. గీయిన గత పదేండ్లుగ, గా పక్కన ఉన్న జంగల్లనే ఉంటాండట. గాడనె తింటడు. ఇగ గా జంగల్లనే పంటడు. గింత బయం లేదట. సరే గనీ, మరేం తింటడు.? అంటే, ఆకులు, అలములే తింటడట. పొద్దుగాల రొండున్నర, మూడు గంటలకే లేస్తడట. గంట సేపు ఓగా జేస్తడట. గదైనంక గా పక్కన పారే గా వాగు దగ్గర గాయింత పండ్లు తోముకుని, ఆ సుట్టుపక్కల ఆకులు టిపిని లెక్క తింటడట. ఇగ పగటాల గూడ గా ఆకులే తింటడు. పొద్దుమీకక ముందే మల్లా గా ఆకులు తిని, గా వాగుల నీళ్ళు తాగుతడట. గంతేగాదు. గీ బుడాన్ గా ఆకులను సిమాంట సేత ముట్టుకోడు. తెంపుకోడు. గా జంతువుల్లెక్కనే నోటితోనే సెట్టు ఆకులు తింటడు. గట్లనే గా వాగు మీదికి ఒంగి నోటిని గా పారే నీటికి పెట్టి నీల్లు తాగుతడు. గిట్ల గాయిన గీ పదేండ్లల్ల 80 రకాల ఆకులు తిన్నడట. రోజూ 50 రకాల యోగాసనాలేస్తడట. మొదట్ల గా ఆకులు సేదు సేదు, పసరు పసరు అనిపించినయట. తినగ తినగ యేప తియ్యనైనట్లు. గవి గా బుడాన్ నోటికి మంచిగనిపించినయట. ఇగ గీ బుడాన్ ముందర పరమాన్నం పెట్టినా ముట్టడు. పదేండ్ల కింద అన్నీ తినేటోడట. ఒకపాలి కోతులు ఆకులు తింటాంటె సూసిండట. ఇగ గా కోతులు, జంతువులు బతకంగ లేనిది ఆకులు తింటే నేనెందుకు బత్క? సూద్దామని అని ఆకులు తినుడు మొదలు పెట్టిండట. ఇగ గప్పటి నుంచి గవే తింటాండట. ఇగ గా బుడాన్ కి యే రోగం నొప్పి లేదట. ఒక్కపాలి దగ్గుపడిశం పట్టిందట. ఒక్కపాలి కాలిరిగిందంట. గంతే గప్పుడు తప్ప మల్ల దవాఖాన మొకమే సూల్లేదట.
పోట్టకు జంగలుంది. ఆకులలములున్నయి గనీ, బట్టకెట్లని, ఇగ ఊర్లకు బోయి, అన్ని రకాల పనులు జేస్తడట. ఇగ గీ సంగతిని గా డాక్టర్లను అడిగితే, ఆశీర పోయిండ్లంట. గా బుడాన్ కు పరీచ్చలు జేస్తే అంతా ఏక్ దమ్ గా ఉందట. గీ బుడాన్ కు మరిన్ని పరీచ్చలు చేస్తే ఎన్నో యింతలు తెలుస్తయని అంటున్నరు డాక్టర్లు. మనిసి జంతువులెక్క గా జంగల్ల బతుకుడు మంచిగుంది గదా? తిని తాగే కర్సు లేదు. పెయికి, పానానికి డోకా లేదు. ఇగ గిదీన్ని మనం గూడ మొదలు పెడితే ఎట్లుంటది? జెర సోచాయించుండ్లి. జివ్వకో రుచి, పుర్రెకో బుద్ధి అంటే గిదేనుల్లా!?
