ఇగో, గీ పోరని ముచ్చట మంచిగుంది గద!?|ADUGU TRENDS

గీ మద్దెల గీ పొరగాండ్లు అస్సలు అగుతలేరు. బుడ్డ బుడ్డ పోరగాండ్లె పెద్ద పెద్దగ ముచ్చట పడతాండ్లు. ఓ పోరీ పోరడు పేమించుకుటాండ్లట… పేమంటే ఊకూకనే ఉంటాది? ఏన్నో ఊసులుంటయి. ఇంకెన్నో లెక్కలుంటయి. గంటలు గంటలు మాటాడుకోవాలే గదా… గట్లనే గా పోరడు గా పొల్లకి పోన్ సేసిండట. ఏరే దంటగాళ్ళతో మాట్లాడుకుంట గా పొల్ల, గా పోరని కాల్ ఎత్త లేదట గంతే, ఇగ గా పోరని కోపం నషాలానికి ఎక్కిందట. నా పోనే ఎత్తవా అనుకుంట.. ఆ పొల్ల ఉండె ఊల్లెకు పోయిండట, ఇ గాయింత గా టాన్స్ పార్మర్ దగ్గరికి పోయి గా ఊల్లెకు పోయే కరెంటు వైరు కత్తెరించిండంట. సీకటి పడే సరికి కరెంటు రాక ఆ ఊరుఊరంతా ఏమైందాని సూసిండ్లంట. గీ సంగతి తెలిసి ముక్కు మీదేలేసుకుని, పరేషాన్ అయిండ్లంట. గ వాడెవడో పోరడు కరెంటు బంద్ చేస్తాంటే ఈడియో తీసి, సోసల్ మీడియాల పెట్టిండు. ఇగ గది సూసినోడు గీ పోరన్కి పిచ్చి ముదిరిందని, ఇంకోడు వాడిని తన్నాలే అని, పూటకోటి కామెంట్ సేత్తాండ్లు. గీ పోరగాండ్లు ఏది తోస్తే గదే సేత్తాండ్లు. అయ్యలూ, అవ్వలూ… మీ పోరగాండ్లు ఏం జేస్తాండ్లో కనిపెడుతూ ఉండ్లండి.