గీ పపంచకమంతా ఇకమతులతోనే నడుత్తాంది. ఇకమతులున్నోడు జగముల యెక్కడైన బత్కుతడు. గీ ముచ్చటైతే గా లాడ్జిలల్ల ఎప్పుడైన ఉన్నోళ్ళకు తెలుస్తది. లాడ్జిల రూంలకు పోవడాన్కి గా తాలం చెయి, గా కట్కల పెడ్తెనె లోపల కరెంటు వస్తది. లేకపోతే రాదు. మల్ల గా కట్కల కెలి తాలం చెయి తియ్యంగనే మల్ల కరెంటు మల్గుతది. గీ పెట్టుడు తీసుడెందుకని… ఒకాయెన ఇకమతు సేసి గీ కట్క కంటె పెద్ద కిట్కు కనిపెట్టిండు. గదాన్ని ఇండ్లల్ల పెట్టబట్టిండు. గా నోట గీ నోట గది అందరికి తెలిసిపోయింది. గదేందంటే…
ఇంటికి పెద్ద దర్వాజ ఉంటది గద. గా పెద్ద దర్వాజకే లోపలికని పైన ఓ సిచ్చు పెట్టిండు. ఇగ గా తాలం తీసి తలుపు తెర్వంగనే గా సిచ్చు అటుకెలి పడి లైట్లు ఎల్గుతయి. మల్ల తలుపు మూయంగనే, గా సిచ్చు ఇటుకెలి పడి లోపల లైట్లన్ని మల్గి పోతయి. ఇగ ఏగిరపాట్న లోపల యేసి, మర్సిన లైట్లన్ని మల్గి పోతయి. ఇగ తాపతాపకు లైట్లను యేసుడు, బందు జేసుడు, ఊకూకనే కరెంటు కాలుడు ఉండదన్నట్లు. యాది మర్సినమా? అన్న బెంగ గూడ ఉండది. గిదేదో మంచిగున్నది గద. గా కరెంటు పని చేసేటోన్కి సెప్పి, మనం గూడ పెట్టుకోవచ్చన్నట్లు. ఎట్లుంది గీ ఇకమతు? చూడండ్లి. సురూ చేయిండ్లి మరి.
